Ckrynšot z paviedamleńnia Volhi Pavuk u fejsbuku

Ckrynšot z paviedamleńnia Volhi Pavuk u fejsbuku

Błohierka Volha Pavuk zapytałasia ŭ čytačoŭ u Facebook, ci viedajuć jany čałavieka ź imiem «Vasil Majeŭski» i ci realny heta čałaviek. Ź jahonaj staronki litoŭcam masava rassyłalisia pahroźlivyja paviedamleńni, sens jakich zvodzicca da taho, što Litva chutka budzie zachoplenaja «armijaj sa sta tysiačaŭ biełarusaŭ». Pahražali navat svajakam.

My vyrašyli pravieryć akaŭnt «Vasila». I pryjšli da vysnovy, što jon fejkavy.

Fota «Vasila Majeŭskaha» z fejsbuku

Fota «Vasila Majeŭskaha» z fejsbuku

Pa-pieršaje, heta akaŭnt, stvorany na nieisnujučaha čałavieka. «Kibierpartyzany» raskazali nam, što ŭ ichnich bazach fota takoha čałavieka nie isnuje. A niejrasietka, jakaja raspaznaje stvoranyja niejrasietkami vyjavy, śćviardžaje, što fota zhienieravanaje.

Skrynšot ź siervisa aiornot, jaki raspaznaje fejki z dapamohaj niejrasietak. Adkaz — chutčej za ŭsio, avatar «Vasila» zhienieravany niejrasietkaj

Skrynšot ź siervisa aiornot, jaki raspaznaje fejki z dapamohaj niejrasietak. Adkaz — chutčej za ŭsio, avatar «Vasila» zhienieravany niejrasietkaj

Da taho ž, akaŭnt apisany jak «idejny natchnialnik płatformy Novaja Biełaruś». Ale čałaviek z takimi imiem i proźviščam nikoli nie isnavaŭ u publičnym poli.

Pa-druhoje, teksty na staroncy pierakładzienyja na biełaruskuju aby jak. U kožnym dopisie ŭ vočy kidajecca proćma pamyłak, adčuvańnie, što pierakład aŭtamatyčny.

Adna z publikacyjaŭ «Vasila Majeŭskaha» ŭ fejsbuku

Adna z publikacyjaŭ «Vasila Majeŭskaha» ŭ fejsbuku

Pa-treciaje, u staronki vidavočna kuplenyja fejkavyja łajki i siabry. Pasty «Vasila Majeŭskaha» łajkajuć akaŭnty z krainaŭ Azii, Amieryki i Afryki, ale całkam adsutnyja reakcyi ź Biełarusi dy Litvy. Staronki tych, chto łajkaje publikacyi staronki, napoŭnienyja fejkavymi stokavymi fota.

Łajki na staroncy «Vasila Majeŭskaha» — nivodnaha biełarusa abo litoŭca

Łajki na staroncy «Vasila Majeŭskaha» — nivodnaha biełarusa abo litoŭca

Hetaja apieracyja mahła być zroblenaja biełaruskimi śpiecsłužbami, kab dyskredytavać biełaruski demakratyčny ruch u Litvie.

Čytajcie taksama:

Jak HUBAZiK stvaraje fejkavyja pierapiski z fejkavymi ŭdzielnikami płana «Pieramoha»

Aficer KDB uklučyŭsia ŭ žyvy efir sieminara pa biaśpiecy ŭ Biełaruskim moładzievym chabie

Jak padsadnyja ahienty ad KDB mohuć razvodzić źniavolenych na hrošy, abiacajučy svabodu

Клас
4
Панылы сорам
14
Ха-ха
8
Ого
0
Сумна
0
Абуральна
26