Z-za novaj chvali patoku nielehalnych mihrantaŭ Ministerstva ŭnutranych spraŭ (MUS) prapanuje ŭ bližejšy čas adnavić uzmocnieny režym achovy miažy Łatvii ź Biełaruśsiu, havorycca ŭ padrychtavanym MUS prajekcie rasparadžeńnia, piša Delfi.lv.
Płanujecca, što ŭzmocnieny režym achovy miažy budzie dziejničać z 13 sakavika da 12 vieraśnia 2024 hoda.
U zimovyja miesiacy patok mihrantaŭ u Łatviju, jaki padtrymlivajecca Biełaruśsiu, źmienšyŭsia, tamu ŭzmocnieny pamiežny režym nie byŭ padoŭžany paśla 10 lutaha 2024 hoda.
Adnak ciapier, kali cisk nielehalnaj mihracyi znoŭ raście, Dziaržaŭnaja pamiežnaja achova zaklikaje znoŭ uvieści ŭzmocnieny pamiežny režym.
Čytajcie taksama:
Łatvija skardzicca, što na jaje miažy ź Biełaruśsiu znoŭ aktyvizavalisia mihranty
Łatvija zabaraniła ŭvoz sielhaspradukcyi ź Biełarusi i Rasii
Łatvija pabuduje na miažy z Rasijaj i Biełaruśsiu paŭnavartasnuju liniju abarony
