Hety tydzień u Biełarusi budzie charaktaryzavacca vielmi chałodnym i maroznym nadvorjem,
paviedamiła hałoŭny sinoptyk Respublikanskaha hidramieteacentra Volha Fiadotava.
Pad upłyvam sibirskaha antycykłonu, jaki zachapiŭ uładu nad našaj harotnaj baćkaŭščynaj, mocnyja marazy pakul zachavajucca. Istotnych apadkaŭ nie čakajecca. Miescami ŭ paŭdniova‑zachodnich rajonach mahčymy nievialiki śnieh. Na asobnych učastkach daroh hałalodzica. Viecier uschodni, paryvisty.
Tempieratura pavietra budzie vahacca ad 11 da 18 hradusaŭ marozu. U paŭdniova‑zachodnich rajonach słupok termomietra pakaža 7‑10 hradusaŭ nižej za nul.
Asabliva ściudziona budzie ŭ paŭnočna‑ŭschodniaj častcy krainy — u noč na 19 studzienia tam čakajecca minus 20‑26 hradusaŭ.
Chałodnaje nadvorje zachavajecca i ŭ siaredzinie tydnia. U čaćvier, 21 studzienia, na terytoryju Biełarusi pačnuć pastupać bolš vilhotnyja pavietranyja masy, jakija pryniasuć nievialikija apadki — miescami projdzie niepraciahły śnieh. Unačy ŭ paŭdniova‑zachodnich rajonach čakajecca 10 hradusaŭ marozu. Na paŭnočnym uschodzie krainy słupok termomietra pakaža 25 hradusaŭ nižej za nul. Tempieratura pavietra ŭ dzionnyja hadziny budzie vahacca ad 8 da 15 hradusaŭ marozu.
U kancy tydnia ŭłada nad nadvorjem voźmie čarhovy antycykłon, tamu 23 i 24 studzienia ŭ asobnych rajonach čakajecca nievialiki śnieh. Tempieratura pavietra pa‑raniejšamu budzie nizkaj. Nočču čakajecca 13‑20 hradusaŭ marozu,
pry prajaśnieńniach — minus 22‑27. Dniom słupok termomietra pakaža ad 9 da 18 hradusaŭ nižej za nul.
Pa słovach Volhi Fiadotavaj, taki tempieraturny režym na 7‑12 hradusaŭ chaładniej, čym zvyčajny.
