Miljarder Siebaśćian Piniera staŭ pieramožcam druhoha tura prezidenckich vybaraŭ u Čyli, pakłaŭšy kaniec dvaccacihadovamu kiravańniu levacentrystaŭ.

Sacyjał‑demakrat Eduarda Frej pryznaŭ parazu paśla padliku 60% hałasoŭ: kansiervatyŭny Piniera nabraŭ 52%, tady jak Frej — 48%.

Piniera abiacaje ažyćciavić žorstkuju prahramu ŭmacavańnia zakonnaści i paradku, a taksama vykarystoŭvać svoj pradprymalnicki dośvied dla raźvićcia ekanomiki krainy.

Pavodle zakona prezident Mišel Bačelet, jakaja karystajecca vialikaj papularnaściu ŭ hramadstvie, nie mieła prava bałatavacca znoŭ. Ale pieramožca ciapierašnich vybaraŭ paabiacaŭ praciahnuć jaje vielmi papularnuju sacyjalnuju palityku.

Apošnim kansiervatyŭnym kiraŭnikom Čyli byŭ vajenny kiraŭnik hienierał Aŭhusta Pinačet, jaki zachapiŭ ŭładu ŭ 1973 h. i zastavaŭsia na vyšejšaj dziaržaŭnaj pasadzie až da 1990 hoda.

Bolš čym za paŭstahodździa Piniera staŭ pieršym demakratyčna abranym kansiervatyŭnym lideram Čyli.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?