15 studzienia spyniłasia serca ŭ admietnaha skulptara, admysłoŭca pa mietałapłastycy, Andreja Kapustnikava.
Dynazaŭry z pareštak traktara «Biełarus», iržavyja kvietki z hajek i dyskaŭ — Andrej Kapustnikaŭ stvaraŭ svoj paralelny, admietny žyviolny i raślinny śviet z pabočnych praduktaŭ hramadstva spažyvańnia.
Andrej Kapustnikaŭ, «Sabaka».
Andrej Kapustnikaŭ, «Vartavy».
«Ciažka skazać, chto jašče hetak adčuvaŭ formu, znachodziačy i padkreślivajučy zakładzieny ŭ joj sens, — kaža Hanna Čystasierdava, art-dyrektarka halerei sučasnaha mastactva «Ŭ» — Andrej Kapuśnikaŭ byŭ daloki ad haradskoj marnaści z zaŭsiodnymi prablemami niastačy času, hrošaj... Zaŭždy było cikava pracavać ź im nad novy prajektam, prosta dabivacca jaho źjaŭleńnia na adkryćci ŭłasnaj piersanalnaj vystavy, škada, što ich było hetak mała».
Andrej Kapustnikaŭ naradziŭsia ŭ 1963 u h. Čerkiesk. U 1970 pierajechaŭ u Minsk. Paśla zakančeńnia miedyčnaj vučelni 12 hod pracavaŭ zubnym technikam. Mietałapłastykaj pačaŭ zajmacca z pačatku 90-ch. Jaho pracy znachodziacca ŭ Biełarusi (u pryvatnaści, u kalekcyi Nacyjanalnaha mastackaha muzieja RB), a taksama Litvie, Niamieččynie, Anhlii, Danii.
U 2006 hodzie adbyłasia «B/U. Fłora i fauna», pieršaja piersanalnaja vystava mastaka, a ŭ 2009 hodzie vialikaja vystava ŭ halerei «Padziemka» — «Piersanalnaja irža».
Pachavańnie Andreja Kapustnikava adbudziecca 19 studzienia.
