Uśled za rostam dołara ZŠA ŭ pieraliku na biełaruskuju valutu padaražeła žytło, ale ŭpała zołata. Ruch papularnych aktyvaŭ analizuje prahrama Biełsata «Asabisty kapitał».

Za apošnija tydni amierykanski dołar adrabiŭ straty i vyras da jeŭra na 5%. Dołar padniaŭsia ŭśled za lepšymi makraekanamičnymi dadzienymi kanca hoda, jakija pryjšli z-za akijanu. I padniaŭ ahulnuju vartaść virtualnaha inviestycyjnaha partfiela prahramy.

Tak, prahrama «zarabiła» na dołaravym depazicie dy žyłoj nieruchomaści. Akcyi biełaruskaha brovara «Alivaryja» za apošnija tydni nie źmianilisia ŭ košcie. A voś załatyja źlitki prynieśli prahramie minus.

«Zołata trochi ŭpała ŭ košcie. Inviestavańnie ŭ zołata źjaŭlajecca alternatyvaj inviestavańniu ŭ valuty dy kaštoŭnyja papiery, — kamientuje ekśpiert «Asabistaha kapitała» ekanamist Sierž Naŭrodski. — Tamu jak tolki miravaja valuta dołar umacavaŭsia — adrazu źniziŭsia popyt na zołata, i heta adbiłasia na miravym košcie hetaha mietała».

Padrabiaźniej na videa:

Prapanujcie ŭ kamientarach vašy varyjanty inviestavańnia. U jakija aktyvy, dastupnyja ŭ Biełarusi varta ŭkładać hrošy na karotki ci doŭhi termin? Samyja cikavyja prapanovy prahrama spraŭdzić u efiry.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?