Ź siaredziny studzienia ŭsie kamunalnyja słužby, jakija zajmajucca prybirańniem śniehu, pavinny admovicca ad soli ź piaskom.

Mienavita hetaha patrabuje novaja pastanova Ministerstva achovy zdaroŭja ab utrymańni terytoryjaŭ nasielenych punktaŭ, pryniataja jašče 30 śniežnia.

Adzin z aŭtaraŭ novych patrabavańniaŭ lekar‑hihijenist Pavieł Sidarovič paviedamiŭ , što pry raspracoŭcy dakumientu śpiecyjalisty karystalisia rasijskim dośviedam: padobnaja zabarona dziejničaje, da prykładu, u Maskvie.

U rasijskaj stalicy siońnia sa śnieham i hałalodzicaj zmahajucca z dapamohaj chłarydna‑fasfatnaha dadatku.

«Kali ŭziać samu sol, to jana raźjadaje nie tolki abutak, ale i aŭtamabilnyja pakryški dy zabrudžvaje ziamlu. A što aznačaje zasaleńnie hleby? Heta i zialonaje pokryva pačynaje ciarpieć ź ciaham času. Letaś navat Ministerstva pryrodnych resursaŭ zasiarodziła ŭvahu mienavita pa narmavańni ŭtrymańnia soli ŭ hlebie, što ŭ nas nie rehłamientavanaje».

Pavodle słoŭ miedyka, sol nie tolki zabrudžvaje hlebu, ale i raźjadaje abutak dy psuje aŭtapakryški. Da taho ž, na dumku śpiecyjalista, u kamunalnikaŭ zastajecca svaboda dziejańniaŭ: ŭžyvańnie mienavita chłarydna‑fasfatnaha dadatku nie źjaŭlajecca abaviazkovym. Kali kamunalniki prapanujuć svaju zamienu salana‑piasočnaj sumiesi i kali taja vytryvaje ŭsie pravierki, možna budzie vykarystoŭvać i alternatyŭny preparat.

Pavieł Sidarovič: «Kali ludzi zakupili kaliści daŭno darožna‑tratuarnuju sumieś, da prykładu, i kali vyjaŭlena, što jana škodzić čałavieku i navakolnamu asiarodździu, to, viadoma ž, nielha jaje ŭžyvać. Ujavicie, čałavieku psuje abutak, prajadaje padešvy. Vilhać pastupaje ŭ abutak, čałaviek prastudžvajecca bolš — i što, heta narmalna? Davajcie, kab usie ŭ dziravych tapkach chadzili! Hałoŭnaje — dla čaho? Dla ludziej, dla narodu, tak? Našaja ž pramysłovaść da hetaha nie adaptavanaja, da hetych solaŭ. I atrymlivajecca, što padryvajem zdaroŭje ludziej, kali sollu pasypajem».

Adnak, niahledziačy na pryniatuju pastanovu, kamunalnyja słužby pa ŭsioj krainie praciahvajuć zmahacca sa śnieham i lodam sollu i piaskom.

Kamunalniki tłumačać, što płany pa prybirańni śniehu na 2009‑2010 hady byli pryniatyja jašče da novaŭviadzieńnia, i pra zamienu sumiesi novymi preparatami havorki ŭ ich nie viałosia. Da taho ž, u ŽESaŭ paprostu niama hrošaj na novyja srodki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?