Prezident Rasii Dźmitryj Miadźviedzieŭ nakiravaŭ 18 studzienia Alaksandru Łukašenku pasłańnie z vykazvańniem pazicyi ab ŭmovach pastavak rasijskaj nafty ŭ Biełaruś.
Pra heta paviedamlaje pres-słužba Kramla.
Pasłańnie stała adkazam na list Łukašenki Miadźviedzievu ad 13 studzienia. Pra źmiest lista ničoha nie paviedamlajecca.
Jak raniej paviedamlałasia, biełaruski kiraŭnik u liście Miadźviedzievu vykłaŭ pazicyju biełaruskaha boku adnosna ŭmoŭ pastavak nafty. Łukašenka nahadaŭ svajmu rasijskamu kalehu, što «jašče 10 śniežnia 2009 hoda padčas pasiadžeńnia Vyšejšaha dziaržsavieta Sajuznaj dziaržavy Biełarusi i Rasii prezidentami dźviuch krain była dasiahnuta damoŭlenaść, što na praciahu pieršych dvuch-troch miesiacaŭ 2010 hoda nafta budzie pastaŭlacca ŭ Biełaruś biaspošlinna, i za hety čas baki ŭzhodniać umovy dalejšaj pastaŭki nafty». «Adnak paźniej Rasijskaja Fiederacyja faktyčna admoviłasia ad vypracavanych damoŭlenaściaŭ i vystaviła nieprymalnyja dla Biełarusi ŭmovy», — padkreśliŭ Łukašenka.
Apošni raund biełaruska-rasijskich pieramoŭ pa ŭmovach pastaŭki ŭ Biełaruś nafty ŭ 2010 hodzie adbyŭsia ŭ Maskvie 9 studzienia i skončyŭsia biezvynikova. Novaja data pieramoŭ nieviadomaja.
15 studzienia stała viadoma pra list, jaki vice-premjer RF Ihar Siečyn nakiravaŭ pieršamu vice-prem`ieru Biełarusi Uładzimiru Siamašku. Pavodle nieaficyjnaj infarmacyi, u liście ŭkazana na nieabchodnaść abaviazkovaha ŭzhadnieńnia z rasijskim bokam miechanizmu taryfnaha rehulavańnia pry transparciroŭcy rasijskaj nafty pa sistemie biełaruskich mahistralnych naftapravodaŭ. U advarotnym vypadku rasijski bok moža pazbavić Biełaruś kvot na biaspošlinnuju pastaŭku nafty. U liście padkreślivajecca, što rašeńnie Rasii ab biaspošlinnych pastaŭkach u Biełaruś u 2010 hodzie 6,3 młn. ton nafty ź`iaŭlajecca «žestam dobraj voli», i kali takija ŭmovy biełaruski bok nie zadavalniajuć, Rasija hatova pierajści na rynačnyja ŭmovy pastavak.
