Staršynia Rady hramadskaha abjadnańnia Nina Šydłoŭskaja kaža, što heta pieršy padobny vypadak i źviazvaje zdareńnie z rostam papularnaści resursa.
Incydent z sajtam MHA «ZBS «Baćkaŭščyna» zdaryŭsia ŭdzień 17 studzienia. Pa słovach administratara sajtu zbsb.org, na hałoŭnaj staroncy chakiery pakinuli nadpis pa-anhlijsku «sajt uzłamany», sam sajt byŭ niaznačna paškodžany virusam. U chutkim časie jon adnaviŭ pracu.
Varta adznačyć, što raniej chakierskim atakam padviarhalisia vyrazna apazicyjnyja resursy – sajty Chartyja'97 i Biełorusskij partizan. Sajt «Baćkaŭščyny», pa słovach staršyni Rady hramadskaha abjadnańnia Niny Šydłoŭskaj, pryciahnuŭ uvahu chakieraŭ upieršyniu. Spadarynia Šydłoŭskaja ličyć heta drobnym chulihanstvam i źviazvaje zdareńnie z rostam papularnaści resursa. «Kali ŭžo takoha rodu internet-karystalniki, a nie tolki śpiecyjalisty, što cikaviacca spravami dyjaspary, prajavili da nas intares, to heta moža havaryć pra rost ahulnaj cikavaści da nas i našych spraŭ».
