21 studzienia dziaržsakratarka ZŠA Chiłary Klintan vystupiła ŭ Vašynhtonie z pramovaj, u jakoj vykazała mocnuju padtrymku svabodzie vykazvańnia ŭ Internecie.

Pavodle Klintan, Internet pavinien być «adziny» dla ŭsich karystalnikaŭ, i kožny karystalnik pavinien mieć roŭny dostup da jaho.

Adnačasova Chiłary Klintan asudziła kiberataki ŭ Internecie i zaklikała ŭsie krainy da supracoŭnictva ŭ supraćdziejańni takim atakam:

«Krainy abo asoby, jakija arhanizujuć kiberataki, pavinny panieści adkaznaść i sustreć mižnarodnaje asudžeńnie. Va ŭzajemaźviazanym śviecie ataka na kamunikacyjnyja sieci adnoj dziaržavy pavinna razhladacca jak ataka na ŭsich» — skazała jana.

Pramova Klintan prahučała paśla taho, jak kampanija Google abvinavaciła kitajskija ŭłady ŭ arhanizacyi kiberataki suprać akaŭntaŭ kitajskich pravaabaroncaŭ na damenie Gmail. Klintan zaklikała Kitaj pravieści dakładnaje i prazrystaje raśśledavańnie hetaha abvinavačańnia.

Klintan u svajoj pramovie taksama asudziła cenzuru ŭ Internecie, nazyvajučy try krainy, jaki pavodle jaje takuju cenzuru ŭžyvajuć u štoraz bolšaj stupieni: Kitaj, Tunis i Ŭzbekistan.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?