Mižziemnamorski cykłon, jaki prynios siońnia ŭ mnohija rajony Biełarusi mocnyja śniehapady, 2 lutaha ŭžo źmieścicca na paŭdniovyja rajony Finlandyi,

paviedamiła hałoŭny sinoptyk Respublikanskaha hidramieteacentra Volha Fiadotava.

Z rostam atmaśfiernaha cisku śnieh budzie nievialikim. Tolki nastupnaj nočču ŭ Viciebskaj vobłaści, a dniom 2 lutaha na ŭschodzie čakajucca umieranyja śniehapady.

Da kanca hetaha tydnia čakajecca čarhavańnie abłaściej panižanaha i pavyšanaha cisku. Čas ad času budzie iści śnieh. Na asobnych učastkach daroh zachavajecca hałalodzica. Tempieratura pavietra ŭ načnyja hadziny čakajecca ŭ miežach 6—14 hradusaŭ marozu, pry prajaśnieńniach da minus 16 hradusaŭ,

a ŭ noč na 5 lutaha jana panizicca da minus 18 hradusaŭ.

Dzionnaja tempieratura składzie 2‑‑5 hradusaŭ marozu. 5 lutaha prahnazujecca 2—10 hradusaŭ marozu.

U bližejšyja vychadnyja z rostam atmaśfiernaha cisku vierahodnaść apadkaŭ źmienšycca. Biełaruś apyniecca na pieryfieryi šyrokaha paŭnočnaha antycykłona. Tak, u subotu, 6 lutaha, u asobnych rajonach projdzie nievialiki śnieh. U niadzielu ŭ asnoŭnym budzie bieź istotnych apadkaŭ.

Padźmie chałodny ŭschodni viecier. Tempieratura pavietra pačnie panižacca.

U noč na subotu jana składzie 7‑14 hradusaŭ marozu, pry prajaśnieńniach budzie da minus 18 hradusaŭ. Subotnim dniom tempieraturny fon budzie vahacca ad 4 hradusaŭ marozu na paŭdniovym zachadzie da minus 13 hradusaŭ na paŭnočnym uschodzie krainy.

U noč na niadzielu prahnazujecca minus 9‑16 hradusaŭ,
pieravažna pa paŭnočnym‑ŭschodniaj pałovie tempieratura panizicca da 17‑22 hradusaŭ marozu.

Dniom u niadzielu čakajecca minus 7‑‑14 hradusaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?