Biełarusy vydatkoŭvajuć na adzieńnie dy abutak amal dziesiać pracentaŭ svaich dachodaŭ. Tamu aktyŭny čałaviek całkam moža pačynać biźnies u šviejnaj halinie. Kolki treba ŭkłaści, na čym varta śpiecyjalizavacca i, urešcie, jak zarabić z dapamohaj šviejnaj mašynki? Raźbirajecca prahrama Biełsata «Asabisty kapitał».

Małomu pradpryjemstvu vyjhrać kankurencyju ŭ fabryk niaprosta, bo bujnymi partyjami šyć našmat tańniej. Ale nievialičkaje atelje maje svaje pieravahi, bo adčuvaje duch mody lepiej za vialikuju fabryku i chutčej moža pierabudavacca. Pra toje, jakija vydatki čakajuć pradprymalnika na pačatku, u prahramie raspaviadzie kreatyŭny dyrektar TAA «Biełmadystka» Śviatłana Łatuška.

Asobnaja hrafa – inviestycyi ŭ abstalavańnie. Prafiesijnaja šviejnaja technika kaštuje prykładna u piać razoŭ bolej, čym dla chatniaha ŭžyvańnia — kala troch z pałovaj miljonaŭ rubloŭ. Zekanomić, sprabujučy uvieźci novuju šviejnuju techniku z krain Jeŭraźviazu, nie atrymajecca. Čamu — raspaviadaje dyrektar TAA «Šviejny mir» Alaksiej Kacuba.

Kab znajści svaju nišu, varta maksimalna zvuzić śfieru dziejnaści. Naprykład studyja «Jułsi» 10 hod šyła vopratku pa indyvidualnych zamovach. Ale niadaŭna hetaja siamiejnaja firma nabyła vyšyvalnuju mašynu-aŭtamat dy pamianiała kirunak biźniesa: robić vyšyŭku dla rekłamnych ahienctvaŭ, i inšych šviejnych firmaŭ. Inviestycyi ŭ novuju techniku ŭžo akupilisia.

Padrabiaznaści ŭ videa:

Adzieńnia ŭ śviecie ciapier pradajecca nie mieńš, čym raniej. Dy i ŭ našaj krainie žychary u minułym, kryzisnym hodzie, vydali na jaho na pracent bolej, čym u pazaminułym.

Pra jaki biźnies vam cikava było ba pahladzieć u nastupnych vypuskach? A taksama – u jakija finansavyja aktyvy, dastupnyja biełarusam varta ŭkładać hrošy? Pišycie ŭ kamientarach, a taksama na forumie prahramy «Asabisty kapitał»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?