Z žorstkim cynizmam niećviarozaha padletka daviałosia sutyknucca žycharu Słucka uviečary 28 studzienia ŭ svajoj ŭłasnaj kvatery.

Kala 21‑j hadziny ŭ dźviery kvatery pa vulicy Čechava pahrukali. Mužčyna, adamknuŭšy dźviery, ubačyŭ maładoha čałavieka, jaki nie raz prychodziŭ u hości da jaho susieda. Mužčyna zrabiŭ zaŭvahu padletku. Padahrety ałkaholem 16‑hadovy junak na pretenzii adreahavaŭ nieadekvatna i pačaŭ źbivać mužčynu.

Paśla taho jak haspadaru kvatery ŭdałosia vyrvacca i vybiehčy na vulicu, chulihan kinuŭsia za im, dahnaŭ i zakinuŭ źbitaha mužčynu ŭ śmiećcievy kantejnier. Hetaha zdałosia mała, i jon spraviŭ na paciarpiełaha pilnicu.

U słuckaj milicyi ŭ adnosinach da padletka, jaki ŭžo znachodziŭsia na ŭliku, raspačali kryminalnuju spravu pavodle artykuła 339 Kryminalnaha kodeksa (chulihanstva).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?