Hramadzianin PAR Džordž Dzideryk Prynsłu (Prinsloo George Diederik) pryznany vinavatym u razbojnym napadzie na adździaleńnie «Biełarusbanka», asabliva złosnym chulihanstvie i kradziažy.

Sud Baranavickaha rajona i h. Baranavičy 1 lutaha prysudziŭ Prynsłu da 13 hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach uzmocnienaha režymu. Akramia taho, sud pastanaviŭ spahnać z hramadzianina Paŭdniova-Afrykanskaj Respubliki pa 5 miljonaŭ rubloŭ u jakaści kampiensacyi maralnaj škody paciarpiełym supracoŭnicam banka, a taksama 1,5 młn rubloŭ — haradžancy, jakuju Prynsłu źbiŭ, kali uciakaŭ ź miesca złačynstva. Za skradzienaje bryljantavaje kalje, asudžany pavinien spłacić jaho haspadyni — hramadzianskaj žoncy z h. Salihorska — bolš za 4 młn rubloŭ.

Džordž Dzideryk Prynsłu pryznany nievinavatym ŭ katavańni i pahrozie zabojstvam i apraŭdany za adsutnaściu ŭ jaho dziejańniach składu hetych złačynstvaŭ.

Prysud pakul nie ŭstupiŭ u zakonnuju siłu i na praciahu 10 sutak z dnia abviaščeńnia moža być abskardžany i apratestavany.

Nahadajem, što na pracesie 15 studzienia 2010 h. Prynsłu admoviŭsia ad svaich pakazańniaŭ, dadzienych u chodzie papiaredniaha rasśledavańnia. Jon zajaviŭ tady, što pakazańni ź jaho vybivali.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?