Fota novonews.lv

Fota novonews.lv

Rańniaj viasny ŭ hetym hodzie ŭ Biełarusi, chutčej za ŭsio, nie budzie, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitry Rabaŭ.

Taki prahnoz śpiecyjalistami zrobleny na padstavie ciapierašniaj sinaptyčnaj situacyi. U lutym siaredniamiesiačnaja tempieratura pavietra čakajecca kala normy — ad minus 3 hradusaŭ pa paŭdniovym zachadzie krainy da minus 8 hradusaŭ pa paŭnočnym uschodzie. A voś kolkaść apadkaŭ prahnazujecca vyšej za normu — 120%, pa Viciebskaj i Mahiloŭskaj abłaściach — 125‑130%.

Pakul ža marazy nie źbirajucca zdavać svaje pazicyi.

Da kanca hetaha tydnia ŭzmocnić svoj upłyŭ antycykłon, tamu schaładaje:

unačy — minus 6—13 hradusaŭ, pry prajaśnieńniach — da minus 15—18 hradusaŭ.

Takaja ž tempieratura pavietra čakajecca ŭ pačatku nastupnaha tydnia, pry prajaśnieńniach mahčyma panižeńnie da 16—22 hradusaŭ marozu. Dniom budzie 7—14 hradusaŭ nižej za nul.

U druhoj dekadzie lutaha ŭ

najbolš chałodnyja nočy rtutny słupok termomietra moža apuścicca da minus 25—30 hradusaŭ.

U treciaj dekadzie ŭ asobnyja dni nie vyklučana paciapleńnie — ad nula da plus 5 hradusaŭ.

U sakaviku siaredniamiesiačnaja tempieratura prahnazujecca na 0,5 hradusa vyšej za normu, a norma dla sakavika — ad plus 1 hradusa na paŭdniovym zachadzie krainy da minus 3 hradusaŭ na paŭnočnym uschodzie.

Charakterna, što bolšaja častka ciopłych sakavikoŭ prypadaje na apošnija 17 hadoŭ. Ciaplej zvyčajnaha — na 3—6 hradusaŭ — byŭ sakavik 2002 i 2004 hadoŭ. Adnak byvajuć hady, kali siaredniamiesiačnaja tempieratura pavietra na 4—9 hradusaŭ nižej za normu. Apošni raz taki chałodny sakavika naziraŭsia ŭ 1987 hodzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?