Premjer‑ministr Rasii Uładzimir Pucin ličyć nieabchodnym vyklučyć źjaŭleńnie «šerych zon» na źniešnich miežach Mytnaha sajuza.

Pra heta staršynia ŭrada RF zajaviŭ 2 lutaha ŭ Maskvie na naradzie pa pytańniach mytnaha rehulavańnia.

«Źjaŭleńnie tut jakich‑niebudź «šerych zon»,

jakimi zmahli b pakarystacca roznaha kštałtu niesumlennyja działki, pavinna być całkam vyklučanaje»,

— cytuje Pucina RIA Novosti.

U suviazi z hetym rasijski premjer źviarnuŭ uvahu na nieabchodnaść pavyšeńnia kaardynacyi pamiž dziaržorhanami ŭdzielnikaŭ Mytnaha sajuza Biełarusi, Kazachstana i Rasii. Pry hetym Pucin adznačyŭ, što «sumlennyja ŭdzielniki źniešnieekanamičnaj dziejnaści pavinny mieć mahčymaść realna karystacca pieravahami Mytnaha sajuza».

Kiraŭnik urada nahadaŭ taksama pra płany pa farmiravańni adzinaj ekanamičnaj prastory troch krain,

jakaja pavinna być stvoranaja da 1 studzienia 2012 hoda.

Na jaho dumku, takoje abjadnańnie z nasielnictvam 170 miljonaŭ čałaviek vałodaje vialikim patencyjałam rostu i «całkam zdolnaje stać adnym z centraŭ ruchu kapitału, punktam pryciahnieńnia pieradavych technałohij».

Razam z tym, Pucin adznačyŭ, što takoje abjadnańnie pavinna vieścisia pastupova: «My pavinny ruchacca akuratna, paetapna, adaptujučy ŭnutranaje zakanadaŭstva da tych zadač, jakija my pierad saboj stavim».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?