Paŭabaronca zbornaj Biełarusi Alaksandr Hleb, što naležyć «Barsiełonie», ale vystupaje na pravach arendy za «Štuthart», zajaviŭ, što nie zastaniecca ŭ niamieckim kłubie pa skančeńni siezona.

«Šancy na toje, što ja zastanusia ŭ kamandzie, – nul adsotkaŭ», – cytuje biełarusa Kicker.

«U majoj damovie, vidać, prapisana, što ja mahu hulać tolki 60 chvilin», – pažartavaŭ Hleb paśla taho, jak jaho čarhovy raz zamianili na 61-j chvilinie, hetym razam u subotnim matčy suprać «Ajntrachta» (2:1). – Usio ž kamanda bieź mianie vyhladaje kudy lepiej, značyć trenier robić usio pravilna».

Hałoŭny trenier «Štutharta» Krystyjan Hros nie staŭ palemizavać sa svaim padapiečnym:

«Ja adnolkava staŭlusia da ŭsich hulcoŭ – chaču vyjhravać matčy taksama i z Alaksandram».

Nahadajem, što ŭ hetym siezonie «Štuthart» na dadzieny momant zajmaje 8- je miesca, a da prychodu Hrosa ŭ kamandu była na 16-m radku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?