28 lutaha, u druhuju niadzielu Vialikaha Postu, hrupa hreka‑katalickich viernikaŭ ź Lidy i Navahradka ździejśniła pilihrymku da moščaŭ Błasłavionych Mučanicaŭ Siostraŭ‑Nazaratanak, što zachoŭvajucca ŭ farnym kaściole ŭ Navahradku.

Pilihrymku ŭznačaliŭ dušpastyr Lidčyny i Navahradčyny a. Andrej Bujnič.

Da malitvy pilihrymaŭ dałučylisia Apostalski Vizitatar BHKC Archimandryt Siarhiej i pradstaŭniki hreka‑katalickaj parafii ŭ Ivacevičach.

Pilihrymka prachodziła napiaredadni 10‑hodździa Beatyfikacyi Navahradzkich Mučanicaŭ, jakaja mieła miesca 5 sakavika 2000 h. u Rymie.

Hetaja pilihrymka biełaruskich hreka‑katolikaŭ u Navahradak, da miesca mučanictva Błasłavionych Manachiniaŭ, adbyłasia ŭ ramkach Hodu Śviatarstva z malitvaj za śviataroŭ, manachaŭ i manachiniaŭ našaj Carkvy i asabliva za paklikańni da śviatarskaha i manaskaha słužeńnia.

«Moščy Błasłavionych manachiniaŭ‑mučanicaŭ spačyvajuć u hetym staražytnym chramie pobač ałtara Navahrudzkaj Ikony Maci Božaj. Malitvy Baharodzicy i hieraičny podźvih lubovi Błasłavionych Mučanicaŭ niachaj ŭzmacniajuć usich nas ŭ lubovi da Boha, da Carkvy i našaj šmatpakutnaj Baćkaŭščyny,» — zaznačyŭ Archimandryt Siarhiej.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?