U Vilejcy 3 sakavika pamior krajaznaŭca Anatol Rohač.
Anatol Rohač, fota Rehijanalnaj haziety.
Jon pracavaŭ načalnikam rajonnych elektryčnych sietak. Nie adnojčy vybiraŭsia ŭ rajonny Saviet deputataŭ. Ale dziaržsłužbu zaŭždy sumiaščaŭ ź biełaruščynaj. Jon byŭ lepšym znaŭcam minuŭščyny Vilejščyny. Jaho namahańniami ŭ rajonie paŭstali pamiatnyja znaki viadomym ziemlakam: Pilipu Orliku, Ihnacyju Chodźku, Nikadzimu Silivanoviču, Adamu Hurynoviču.
Pazaletaś byŭ adkryty pomnik paŭstancam 1863 hoda kala vioski Lubki. Płanavaŭ krajaznaŭca pastavić jašče adzin, na miescy inšaha boju kalinoŭcaŭ z carskimi vojskami. Dy nie paśpieŭ.
Anatol Rohač naradziŭsia 1 červienia 1947 hoda ŭ v. Karaleŭcy na Vilejščynie. Skončyŭ Biełaruski instytut miechanizacyi sielskaj haspadarki. Z 1988 hoda ŭznačalvaŭ RES. U krajaznaŭstvie Rohač nie curaŭsia nijakich tem. Dla jaho nie isnavała ideałahičnych zabaronaŭ. Jon napisaŭ sotni artykułaŭ. Akramia krajaznaŭstva ŭ jaho było jašče adno zachapleńnie — šaški. Anatol Rohač źjaŭlaŭsia majstram sportu pa šaškach pa pierapiscy.
