3 sakavika biełaruskija nacboły abviaścili ab pierachodzie ŭ apazicyju da Alaksandra Łukašenki, paviedamlaje sajt Nacboł.ru.
U raspaŭsiudžanaj zajavie, jakaja nazyvajecca «Da pabačeńnia, baćka», skazana: «paŭtara dziesiatka hadoŭ my nie pieraškadžali baćku, i čakali. Čakali, kali jon pakliča narod da ŭdziełu ŭ losie krainy. Pakliča i nas, u tym liku. Siońnia nam jasna, što nie pakliča nikoli».
«Abapirajecca Łukašenka vyklučna na siłavyja struktury, na KDB i MUS. U krainie nie isnuje palityki, jana źniščana hvałtoŭna, źvierchu, jaho uładaj, taksama jak źniščana palityka ŭ Rasii i ŭ bolšaści respublik byłoj savieckaj prastory», — havorycca ŭ tekście zajavy.
«Tamu my, nacboły, sychodzim u apazicyju. Da pabačeńnia, baćka!», — skančvajuć svoj zvarot nacyjanał‑balšaviki Biełarusi.
0
0
0
0
0
0
