Aktyvista Biełaruskaj chryścijanskaj demakratyi Andrusia Kašeŭskaha aryštavali na 15 sutak. Tym samym ułady pazbavili mahčymaści patencyjnaha kandydata ŭ deputaty miascovych savietaŭ svoječasova zdać podpisy ŭ vybarkam dziela rehistracyi.
Siabra BCHD sa Smalavičaŭ Andruś Kašeŭski źbiraŭsia bałatavacca ŭ Žodzinski harsaviet. Jon byŭ zatrymany viečaram 3 sakavika ŭ Minskim mietro. Aktyvista dastavili ŭ sud Leninskaha rajona, dzie ŭčora ž adbyŭsia sud. Sudździa Navickaja prysudziła aktyvistu 15 sutak źniavoleńnia. Pa papiarednich źviestkach ad samoha Andrusia Kašeŭskaha, jaho abvinavacili ŭ supracivie milicyjantam. U sudzie admovilisia paviedamić, za što dakładna asudzili Kašeŭskaha.
U stalicy Andruś zajmajecca raspaŭsiudam haziety «Narodnaja Vola». Zaznačym, što pad čas zatrymańnia ŭ jaho pry sabie numaroŭ haziety nie było.
