U Internecie raspačałosia hałasavańnie za lepšyja letašnija publikacyi ŭ časopisie «Dziejasłoŭ».
Pa vynikach hałasavańnia ŭ troch naminacyjach — «paezija», «proza», «debiut» — buduć vyznačany pieramožcy, jakija atrymajuć premiju «Załaty apostraf».
U kožnaj naminacyi pradstaŭlena pa siem aŭtaraŭ.
U paezii pakul lidziruje Valaryna Kustava, u prozie — Michaś Andrasiuk, u debiucie — Alena Sielkina.
Jak paviedamiŭ supracoŭnik «Dziejasłova» Anatol Ivaščanka, jašče nie vyznačany dakładna data i miesca ŭručeńnia premii. Vierahodna, što heta adbudziecca dzieści z 22 pa 24 sakavika.
Štohadovaja premija «Załaty apostraf» zasnavana redakcyjaj časopisa «Dziejasłoŭ» u 2003 hodzie. Jaje łaŭreatami stanavilisia Volha Ipatava, Vasil Bykaŭ, Kastuś Tarasaŭ, Hanna Aŭčyńnikava, Hleb Łabadzienka, Andrej Chadanovič, Viktar Ślinko, Leanid Drańko-Majsiuk, Valancina Aksak, Vital Ryžkoŭ, Ryhor Sitnica, Ludmiła Rubleŭskaja, Usievaład Ścieburaka, Aleś Piśmiankoŭ, Aleś Badak, Lizavieta-Daminika Panamarova, Iryna Bielskaja, Siaržuk Sys, Uładzimir Niaklajeŭ.