U Biełarusi ŭ bližejšy čas płanujecca ŭnieści istotnyja źmieny ŭ praviły viadzieńnia palaŭničaj haspadarki i palavańnia. Siarod inšych źmienaŭ novy ŭkaz praduhledžvaje mahčymaść palavańnia ŭ Biełarusi na rysiaŭ i miadźviedziaŭ, jakija zaniesieny ŭ Čyrvonuju Knihu.
Prajekt ukaza «Ab uniasieńni źmianieńniaŭ i dapaŭnieńniaŭ va ŭkaz prezidenta Respubliki Biełaruś ad 8 śniežnia 2005 hoda №580» užo padrychtavany i ŭzhodnieny z usimi ministerstvami i viedamstvami i ŭniesieny na razhlad u Administracyju prezidenta Respubliki Biełaruś
Rehulavańnie raspaŭsiudžvańnia i kolkaści palaŭničych žyvioł narmavanych vidaŭ, a taksama miadźviedzia i rysi, možna budzie pravodzić mietadami palavańnia. Heta pavysić prybytkovaść palaŭničaj haspadarki i zacikaŭlenaść karystalnikaŭ palaŭničych haspadarak u zachavańni i pamnažeńni kolkaści miadźviedzia i rysi.
Natalla Minčanka, načalnik upraŭleńnia bijałahičnaj i łandšafnaj raznastajnaści Minpryrody, patłumačyła žurnalistam padčas pres-kanfierencyi 3 sakavika, što havorka nie idzie pra bieskantrolnaje zabojstva redkich žyviołaŭ. U vypadku, kali buduć pryniatyja źmianieńni va ŭkaz 580, praciahvaje pracavać Zakon ab žyviolnym śviecie, jaki kaža, što adstreł — heta samaja krajniaja miera, kali adłoŭ i adsialeńnie dadzienaj žyvioliny nie mahčymy.
«Nie važna, jakim sposabam budzie kanfiskavana heta žyvioła, šlacham prodažu palaŭničaj pucioŭki albo razavaha dazvołu na adstreł, hałoŭnaje, što heta budzie samy apošni z varyjantaŭ vyrašeńnia dadzienaj prablemy. — zavieryła Natalla Minčanka, - Ja chaču zrabić akcent na tym, čamu mienavita šlacham palavańnia. Palaŭničaja haspadarka ŭsio ž taki cierpić niejkija vydatki i straty, z pryčyny taho, što dadzienaja žyvioła na jaje terytoryi. Palavańnie budzie kampiensavać niekatoryja vydatki dla palaŭničaj haspadarki.
Natalla Minčanka zaviaraje, što vyvodzić siońnia hetych žyviołaŭ z Čyrvonaj knihi nichto nie źbirajecca. Takoje pytańnie abmiarkoŭvałasia, adnak Akademija navuk nie moža pradastavić nieabchodnych dadzienych, dy i Minpryrody suprać takoha rašeńnia.
U toj čas ukrainskija i rasijskija ekołahi vielmi ŭschvalavanyja novym ukazam, i padrychtavali zvarot da prezidenta Biełarusi ŭ abaronu rysi i miadźviedzia. Sustaršynia Mižnarodnaha Sacyjalna-ekałahičnaha Sajuza Valeryja Brynicha (Rasija) i dyrektar Kijeŭskaha ekołaha-kulturnaha centra, Zasłužany pryrodaachoŭnik Ukrainy Uładzimir Barejka u svaim liście Aleksandra Łukašenki zaznačajuć:
«Na naš pohlad, adkryćcio palavańnia na dva redkich, zaniesienych u biełaruskuju Čyrvonuju knihu vidu žyvioł - miadźviedzia i rysi, moža pryvieści da ich poŭnaha źniščeńnia na terytoryi Vašaj krainy, bo mienavita palavańnie nazvana adnoj z hałoŭnych pryčyn skaračeńnia kolkaści hetych vidaŭ u narysach Čyrvonaj knihi . Kali hetyja vidy źnikajuć z-za palavańnia, to jak ža palavańnie moža vyratavać ich ad źniknieńnia?»
Ekołahi adznačajuć, što ŭ susiedniaj Ukrainie, dzie kolkaść miadźviedzia i rysi značna vyšej (300 i 500 asobaŭ adpaviedna), hetyja žyvioły taksama zaniesieny ŭ Čyrvonuju knihu i nijakaha palavańnia na ich niama. I tamu prosiać Alaksandra Hryhorjeviča nie dapuścić adkryćcio palavańnia ŭ Biełarusi na zaniesienych u Čyrvonuju knihu miadźviedzia i ryś, a taksama zakryć palavańnie na zubra.
