U Baranavickim rajonie pravaliŭsia pad lod i patanuŭ 44‑hadovy mašynist ciepłavoza vytvorčaha respublikanskaha unitarnaha torfapradpryjemstva «Kałpienica».
Jak paviedamili ŭ prakuratury rajona, trahiedyja adbyłasia 3 sakavika prykładna ŭ 13.45 niedaloka ad vioski Zahorje.
Mašynist vioŭ ciepłavoz pa vuzkakalejnaj čyhuncy.
Na adnym ź jaje ŭčastkaŭ jon spyniŭ ciepłavoz i vyjšaŭ pahladzieć rybałoŭnyja snaści,
jakija ŭstanaviŭ na pryrodnym vadajomie, raźmieščanym u zabałočanaj miascovaści.
Pamočnik mašynista, zaniepakojeny doŭhaj adsutnaściu kalehi, pajšoŭ šukać jaho i ŭbačyŭ ślady na lodzie i pałonku. Paśla biespaśpiachovych sprob znajści źnikłaha supracoŭnika, rabotniki torfapradpryjemstva źviarnulisia ŭ MNS.
Ratavalniki pry dapamozie admysłovaha ryštunku prykładna ŭ 17.15 vyciahnuli cieła mašynista ciepłavoza z vady.
Zahinuły — žychar pasiołka Akciabrski. Pravierku pa hetym fakcie pravodzić prakuratura Baranavickaha rajona.
