Alaksandr Łukašenka raskrytykavaŭ rabotu ŭrada pa pryciahnieńniu ŭ ekanomiku krainy zamiežnych inviestycyj. Takuju acenku jon daŭ siońnia ŭ čas dakłada ŭrada pa hetaj temie.
«Prychodzicca pryznać, što situacyja z pryciahnieńniem u ekanomiku krainy pramych zamiežnych inviestycyj nie ŭnušaje aptymizmu», — padkreśliŭ kiraŭnik dziaržavy. Jon taksama dadaŭ, što vałavyja pakazčyki tut biez patreby.
Jak śviedčyć statystyka, z 2008 hoda suma pramych zamiežnych inviestycyj, jakija pastupili ŭ realny siektar ekanomiki krainy na čystaj asnovie, niaŭchilna źnižałasia. U 2009 hodzie jana skłała ŭsiaho $420 młn., što na 38 pracentaŭ mienš za papiaredni hod. Na dumku prezidenta, taki spad nie apraŭdvajecca tolki ahulnym źnižeńniem inviestycyjnaj aktyŭnaści ŭ śviecie. «Pryčyna hetaha ŭ tym liku i ŭ biezadkaznaści, niežadańni i niaŭmieńni niekatorych słužbovych asob efiektyŭna pracavać», — ličyć kiraŭnik dziaržavy.
«Da takoj vysnovy mižvolna prychodziš,
kali bačyš usio ŭzrastajučy patok zvarotaŭ patencyjalnych zamiežnych inviestaraŭ niepasredna da prezidenta, — skazaŭ Alaksandr Łukašenka.
— Vidać, u ich prapała ŭžo nadzieja vyrašyć nadzionnyja pytańni z tymi, kamu pa pasadzie naležyć hetym zajmacca».
«I nie pieršy raz ja paprakaju ŭ biaździejnaści kiraŭnikoŭ vysokaha ranhu. Z boku ŭrada byli zapeŭnieńni ŭziać pad kantrol realizacyju važniejšych inviestycyjnych prajektaŭ. A ich niamała», — nahadaŭ kiraŭnik dziaržavy. Alaksandr Łukašenka pryvioŭ prykład, kali ŭ pradstaŭlenych jamu materyjałach da hetaha času ministram kultury ličycca Uładzimir Maćviajčuk jak adkazny za realizacyju adnaho ź inviestprajektaŭ. «Heta śviedčyć ab tym, što vy abo fatahrafujecie staryja materyjały i skidvajecie ich siudy, abo hetym zajmajucca niedaśviedčanyja ludzi», — padkreśliŭ prezident.
«Jak ža tady možna acanić rabotu ŭrada, abłvykankamaŭ i Minskaha harvykankama z zamiežnymi inviestarami? Zrazumieła, jak niezdavalniajučuju», — zapeŭniŭ kiraŭnik dziaržavy.
Alaksandr Łukašenka zaklikaŭ nie pieratvarać hety dakład u samaspravazdaču z čarhovymi zapeŭnieńniami, a pradstavić realnuju karcinu pa rabocie z zamiežnymi inviestarami.
Prezident padkreśliŭ, što padychod da raboty ź inviestarami pavinien być adzin: «Kali čałaviek jedzie da nas pracavać i prapanuje ŭłasnyja hrošy jak inviestycyi ŭ našu ekanomiku, jamu pavinna być zialonaja vulica. Jaho treba aznajomić z tym, jakija padatki jon budzie płacić, i jakija lhoty my možam pradastavić na stadyi realizacyi prajekta». Pavodle słoŭ Alaksandra Łukašenki, kali patencyjalny inviestar budzie heta «dakładna razumieć i jaho buduć sustrakać z zadavalnieńniem, a nie zahladać u kišeniu abo stavić dadatkovyja ŭmovy, tady toj inviestar budzie pracavać».
