U Lidzie zatrymany i ŭziaty pad vartu vykładčyk fizkultury adnoj ź miascovych navučalnych ustanoŭ.
Jak paviedamili ŭ adździaleńni infarmacyi i hramadskich suviaziej UUS Hrodzienskaha abłvykankama, 56‑hadovy vykładčyk padazrajecca ŭ atrymańni chabaru ad studentaŭ
za vystaŭleńnie zavyšanych adznak, vyviadzieńnie siaredniaha bała, nieabchodnaha dla atrymańnia stypiendyi, za vyrašeńnie pytańnia ab adpracoŭcy zaniatkaŭ.
Fizruk byŭ zatrymany ŭ lutym pry atrymańni chabaru ŭ pamiery 140 tys. rubloŭ. Jamu inkryminujecca jašče niekalki złačynnych epizodaŭ. U jakaści chabaru byli i 50 dalaraŭ, i paŭtony brykietu.
U dačynieńni da vykładčyka Lidskim RAUS raspačata sprava pa č. 2 art. 430 KK (atrymańnie chabaru paŭtorna).
