Parłamient Małdovy adpraviŭ u adstaŭku staršyniu Najvyšejšaj sudovaj pałaty Jona Murujanu, jaki zrabiŭ rezkija vykazvańni nakont žurnalistaŭ.
Vystupajučy ŭ lutym na ahulnym schodzie sudździaŭ, hałoŭny sudździa krainy adznačyŭ
«djabalskuju i destruktyŭnuju rolu» pradstaŭnikoŭ presy, jakija «časam pieratvarajucca ŭ šalonych sabak,
niebiaśpiečnych dla hramadstva z‑za toj chłuśni, jakuju jany raspaŭsiudžvajuć».
Kiraŭniki šerahu viadučych ŚMI Małdovy rascanili jahonyja słovy ja
k ataku na svabodu słova i zapatrabavali ad uładaŭ jaho adstaŭki.
U jaho abaronu vystupiŭ były prezident, lider apazicyjnaj partyi kamunistaŭ Uładzimir Varonin, jaki padkreśliŭ, što «Murujanu — samy sumlenny i spraviadlivy sudździa, jakoha treba jašče pašukać». Frakcyja kamunistaŭ pakinuła zału pasiadžeńniaŭ, admoviŭšysia ŭdzielničać u hałasavańni za adstaŭku Murujanu. U znak pratestu kamunisty nakiravali zvarot na adras mižnarodnych arhanizacyj, u jakim havorycca, što dziejańni ŭładaŭ «padryvajuć niezaležnaść i biesstaronnaść sudovaj sistemy, supiarečać Jeŭrapiejskaj kanviencyi pa abaronie pravoŭ i asnoŭnych svabod čałavieka».
