27 čałaviek zahinuli ŭ teraktach, učynienych u časie parlamenckich vybaraŭ u Iraku. Prynamsi dva budynki byli źniščanyja, i adbylisia dziesiatki minamiotnych abstrełaŭ u Bahdadzie i ŭ rehijonach krainy. Tym nia mienš, udzieł u vybarach uziali bolš za 65% vybarcaŭ.

Miažu ź Iranam začynili, kala miažy raźmieščanyja tysiačy vajskoŭcaŭ i zabaronieny ruch transpartu. Premjer-ministar krainy Nury Maliki zaklikaŭ vybarcaŭ pryjści na ŭčastki. Pavodle jaho, aktyŭny ŭdzieł u vybarach daść šturšok raźvićciu demakratyi.

Niahledziačy na ciapieršanija achviary, ahulny ŭzrovień hvałtu napiaredadni vybaraŭ byŭ nižejšy, čym u minułyja hady, i kolkaść achviaraŭ siarod cyvilnaha nasielnictva, irackich siłaŭ biaśpieki i amerykanskich vajskoŭcaŭ taksama mienšaja.

Isłamskija vajaŭniki abviaścili pra namier hvałtam sarvać vybary -- u Bahdadzie hrupoŭka, źviazanaja z Al-Kajdaj, raspaŭsiudžvała ŭlotki z papiaredžańniem nie iści na vybary.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?