Kandydatami ŭ deputaty Minharsavieta zarehistravanyja šeść ź siami pradstaŭnikoŭ Partyi BNF.
Pra heta paviedamiŭ namieśnik staršyni staličnaj arhanizacyi partyi Vadzim Kanapacki.
Akramia Kanapackaha, kandydatami zarehistravanyja Alaksiej Janukievič, Viktar Ivaškievič, Vincuk Viačorka, Siarhiej Karpovič, Arciom Lava.
Admovu ŭ rehistracyi kandydatam u deputaty ad Partyi BNF atrymaŭ tolki kiraŭnik maładziožnaj arhanizacyi Andrej Kračko. U jaho nie byŭ zadekłaravany aŭtamabil.
«Kandydaty ŭ deputaty ad Partyi BNF majuć namier pravieści aktyŭnuju ahitacyjnuju kampaniju. My nie vierym, što ŭłady praviaduć spraviadlivyja vybary, ale budziem vykarystoŭvać svaju kampaniju, kab danieści da nasielnictva pazicyju partyi pa najbolš važnych sacyjalna‑ekanamičnych i palityčnych prablemach», — skazaŭ Kanapacki.
Pry hetym jon vykazaŭ upeŭnienaść, što «tolki niezaležny deputat zmoža dapamahčy vybarščykam u vyrašeńni vostrych haradskich prablem».
