Hraf Prušynski.
Kandydatami ŭ deputaty miascovych savietaŭ pa horadzie Minsku ad arhkamiteta pa stvareńni partyi Biełaruskaja chryścijanskaja demakratyja zarehistravanyja 10 čałaviek. Pra heta NN paviedamiŭ sustaršynia partyi Pavieł Sieviaryniec:
Zarehistravanyja Dzianis Sadoŭski, Luboŭ Kamienieva, Valeryja Čarnamorcava, Iryna Łohvin, Piotr Barysaŭ, Juryj Šablin, Leanid Skorabahaty, Iryna Hubskaja, Taćciana Buraja i hraf Alaksandr Prušynski.
Šeść aktyvistaŭ (Ludmiła Ryžykava, Ihar Šančuk, Halina Karžanieŭskaja, Ryhor Litvin, Mikałaj Viaźmin i Anton Vusovič) nie zarehistravanyja, jašče pa dvuch kandydaturach (Paŭła Anisienki i Jaŭhiena Rohača) rašeńnie pakul nieviadomaje.
Pryčynami nierehistracyi šaści čałaviek, pavodle słoŭ Sieviarynca, stali abo niapravilnaje afarmleńnie padpisnych listoŭ, abo niedakładnaści ŭ dekłaracyi ab dachodach. Taksama, paviedamiŭ Sieviaryniec, u Miorski rajonny saviet deputataŭ zarehistravany kandydat Valeryj Vałožanka, u Homielski harsaviet — Jaŭhien Jakavienka, u Kniažycki sielsaviet Mahiloŭskaj vobłaści — Taćciana Šambałava, u Babrujski haradski — Alaksandra Sjanava.
Nahadajem, 27 sakavika ŭ Minsku projdzie pasiadžeńnie Nacyjanalnaj rady arhkamiteta pa stvareńni BCHD, dzie budzie vyrašacca pytańnie, pradaŭžać kampaniju pa vybarach u miascovyja saviety ci arhanizavana spynić udzieł u joj.
