Pra heta paviedamiŭ u čaćvier žurnalistam načalnik Hałoŭnaha ŭpraŭleńnia pa baraćbie z ekanamičnaj złačynnaściu MUS Eduard Nikicin.
U 2009 hodzie ŭ Biełarusi zafiksavana 96 faktaŭ kanfiskacyi falšyvych kupiur jeŭra. Mienavita tamu MUS Biełarusi ciesna supracoŭničaje z kalehami ź Italii i inšych krain, kab apieratyŭna raskryvać fakty zbytu padroblenaj valuty.
Jak adznačyŭ Eduard Nikicin, padroblenyja jeŭra, u tym liku italjanskaha pachodžańnia,
zavoziacca ŭ Biełaruś pieravažna z krain Bałtyi.
Dziakujučy supracoŭnictvu z palicejskimi viedamstvami hetych dziaržavaŭ udałosia spynić kanał pastaŭki falšyvak z hetaha rehijonu ŭ Biełaruś. U pryvatnaści, litoŭskaja palicyja zatrymała ŭ siabie ŭ krainie kurjera, jaki mieŭ pry sabie partyju padroblenych banknot.
Zaraz u Biełarusi nazirajecca rost kolkaści padroblenych biletaŭ banka Rasii,
i heta abumoŭlena tym, što abiedźvie krainy majuć prazrystuju miažu. U toj ža čas kolkaść padrobnych jeŭra za apošnija 10 hadoŭ źnižajecca. Tak, u 2000 hodzie było vyjaŭlena bolš za 3 tys. faktaŭ zbytu falšyvaj valuty, a ŭ 2009‑m — kala 1,2 tys.
U samoj Biełarusi niama prafiesijnaj vytvorčaści padrobak.
U asnoŭnym žychary našaj krainy vykarystoŭvajuć takija banalnyja mietady, jak ksierakapijavańnie i druk na strujnym pryntary.