Śviedki kažuć, što škoła, pažarnyja — śmietnik.
Ranicaj 25 sakavika Niaśvižy zdaryŭsia pažar. Jak paviedamili NN śviedki zdareńnia, zaharełasia makułatura ŭ padvalnym pamiaškańni niaśvižskaj škoły №4. Nastaŭnik ź Niaśviža Aleś Jaźvinski raskazaŭ, što jon pačuŭ ad kaleh z 4-j škoły, a taksama ad baćkoŭ školnikaŭ. Pažar pačaŭsia pryblizna a 10-j ranicy. Zaharełasia ŭ padvale, dzie zachoŭvałasia makułatura. Adrazu pavaliŭ mocny dym, amal uvieś budynak škoły byŭ zadymleny. Evakuacyju školnikaŭ i piersanału praviali apieratyŭna. Pa słovach adnaho z supracoŭnikaŭ škoły, spačatku spravicca z ahniom sprabavali samastojna, ale ŭ rešcie vymušanyja byli vyklikać pažarnych. Niepasredna ad ahniu ŭ škole nichto nie paciarpieŭ. Adnak, kali pačali pravietryvać pamiaškańni ŭ budynku, na adnu z techničak ŭpaŭ karniz. Joj była akazanaja miedyčnaja dapamoha.
Potym pryjechała načalstva i pra pažar nibyta zahadali maŭčać. Sp. Jaźvinski pieradaje słovy kahości z baćkoŭ pra toje, što dzieciam navat zahadali vydalić z mabilnikaŭ zdymki ŭzharańnia.Trapiŭ pad razdaču i svajak namieśnika hałoŭnaha redaktara haziety «Niaśvižski čas» — jon paśpieŭ zrabić adzin kadr pažarnych mašyn kala škoły, jak da jaho padyšoŭ čałaviek u formie MNS i paprasiŭ vydalić zdymak. «Pažarnyja paabiacali paviedamić nam padrabiaznaści zaŭtra ŭ pieršaj pałovie dnia» — paviedamili ŭ «Niaśvižskim časie». Pa słovach śviedak, pažarnyja «Niaśvižski čas» z padvału achapak palenaj papiery, jakaja jašče tleła, kinuli jaje na śmietnik.
U Niaśvižskim RANS karespandentu NN paviedamili, što pažaru ŭ škole №4 siońnia nie było. «Hareŭ śmietnik, u škole ničoha nie było».
4-ju škołu ŭ Niaśvižy pabudavali pa prajekcie, padobnym da taho, pavodle jakoha była zbudavanaja škoła ŭ Krasnapolli na Mahiloŭščynie, dzie ŭ 2004 hodzie ŭ vyniku abrušeńnia stoli ŭ sportzali zahinuli 5 čałaviek. Paśla toj trahiedyi ŭ niaśvižskaj škole na niekalki miesiacaŭ začynili na ramont sportzału.
