25-ha sakavika sud Zavadskoha rajona stalicy nakłaŭ na Alaksandra Bondara štraf u pamiery 10-ci bazavych vieličyń za zabojstva sabaki. Heta minimalnaje pakarańnie. Spadaru Bondaru pahražaŭ administracyjny aryšt da 15 sutak.
1-ha lutaha A.Bondar la adnaho z damoŭ pa vulicy Varvašeni słužbovym furhonam ździejśniŭ najezd na sabaku svajoj susiedki Niny Burviel – karlikavaha pudziela. Pryčym zrabiŭ heta śviadoma, što i było dakazana padčas sudovaha raźbiralnictva. Jano, hetaje raźbiralnictva, było nadziva emacyjanalnym – navat advakat spadara Bondara – Valeryj Daniłaŭ – atrymaŭ try papiaredžańni ad sudździ Aleny Łapcievaj.
U vyniku Alaksandra Bondara ad aryštu vyratavała tolki litaść paciarpiełaj – spadaryni Burviel.
Cikava, što heta nie pieršaja sudovaja sprava ab zabojstvie sabaki z udziełam A.Bondara. Viasnoj minułaha hoda jon dziela ŭłasnaj zabavy zastreliŭ sa svajoj palaŭničaj strelby taksu, jakuju vyhulvali jaje haspadary – 10-hadovaja hłuchaniamaja dziaŭčynka i jaje baćka. Dziakujučy ŭmiašalnictvu achoŭnikaŭ pravoŭ žyvioł z HA «Ehida», pieršy sud pa spravie Bondara adbyŭsia ŭ traŭni 2009 hoda. Zhodna ź jaho rašeńniem, padsudnaha abaviazali vypłacić paciarpiełamu baku 480 tysiač biełaruskich rubloŭ.
