Siońnia mastak adznačaje jubilej.
svaboda.org
Alaksiej Maračkin (Aleś Mara) naradziŭsia ŭ vioscy Papoŭščyna na Čerykaŭščynie. Skončyŭ Viciebski piedahahičny instytut — mastacka-hrafičnaje adździaleńnie i Biełaruski dziaržaŭny teatralna-mastacki instytut — adździaleńnie žyvapisu.
Mastak vyznačyŭsia tym, što zajmaje pryncypovuju pazicyju ŭ adnosinach da biełaruskaści i ideałaŭ demakratyi. Jaho pendźlu naležyć halereja partretaŭ biełaruskich nacyjanalnych dziejačaŭ. Paśla vybarčaj kampanii 2006 hoda jon stvaryŭ karcinu «Płošča», na jakoj adlustravaŭ namiotavy haradok na Kastryčnickaj płoščy ŭ Minsku. Letaś za miežami krainy mastak pakazvaŭ vystavu «Mastactva suprać dyktatury».
Siabra Sajuza mastakoŭ Biełarusi. Uznačalvaje supołku «Pahonia» pry im.
Uznaharodžany miedalom Francyska Skaryny (1992) za vysokija dasiahnieńni ŭ halinie nacyjanalnaha adradžeńnia i prapahandy kulturnaj spadčyny biełaruskaha naroda.
