Heta tema budzie abmiarkoŭvacca 30 sakavika na kaardynacyjnaj naradzie ŭ prakuratury Minskaj vobłaści.
Jak paviedamiŭ žurnalistam načalnik adździeła pa nahladzie za daznańniem prakuratury Minskaj vobłaści Ryhor Samojlik,
prakuratura inicyjuje
abstalavańnie damoŭ, što budujucca, i dziejnych žyłych damoŭ sistemami videanazirańnia za padjezdami i dvarovymi terytoryjami, abstalavańnie novych achoŭnych stajanak, ustanoŭku na katedžy, što budujecca, sihnalizacyj, jakija paviedamlajuć uładalniku ab praniknieńni na abjekt šlacham pieradačy SMS.
Samym efiektyŭnym sposabam supraćdziejańnia kradziažam Ryhor Samojlik
nazyvaje zdaču roznych pamiaškańniaŭ, žylla pad achovu supracoŭnikam departamienta achovy MUS.
U Minskaj vobłaści hetaj pasłuhaj achoplena kala 12,5 tys. abjektaŭ. Za hod ich kolkaść uzrasła na 630.
Pradstaŭnik abłasnoj prakuratury źviarnuŭ uvahu na toje, što ŭ adpaviednaści ź dziejnym zakanadaŭstvam składy jadachimikataŭ, haruča‑zmazačnych materyjałaŭ abaviazkova pavinny być pad pazaviedamasnaj achovaj. Adnak na praktycy atrymlivajecca, što ŭ sielhaspradpryjemstva niama na heta srodkaŭ, i abjekty z darahim źmieścivam achoŭvajucca siłami samoha SVK bieź licenzii na achoŭnuju dziejnaść, što źjaŭlajecca parušeńniem. Dapamohu ŭ vyrašeńni hetaha pytańnia, pavodle słoŭ Ryhora Samojlika, sielskahaspadarčym pradpryjemstvam pavinny akazvać orhany vykanaŭčaj ułady na miescach, jakija rasparadžajucca miascovymi biudžetami.
Načalnik adździeła prakuratury taksama paviedamiŭ, što na terytoryi vobłaści znachodzicca kala paŭtary tysiačy sadavodčych tavarystvaŭ, i tolki kala tysiačy ź ich majuć vartaŭničuju achovu. U 2009 hodzie z dačnych domikaŭ było ŭčyniena kala 1.200 kradziažoŭ, što prykładna na 300 mienš, čym hod tamu. Vykryćcio takich złačynstvaŭ u 2009 hodzie dasiahnuła praktyčna 50%, pavialičyŭšysia bolš čym na 10% u paraŭnańni z 2008 hodam. Najbolej składanaja situacyja z kradziažami nazirajecca ŭ Smalavickim, Dziaržynskim i Minskim rajonach, tam, dzie najbolšaja kolkaść sadavodčych tavarystvaŭ. Dla baraćby sa złodziejami tut stvorany śpiecyjalnyja mabilnyja hrupy milicyi.
