Kava-kava — nie vyjście 2

Heta — supraćlehłaść enierhietyčnych napojaŭ. Novyja rassłablalnyja napoi mohuć źniać stres i tryvohu i navat dapamahčy zasnuć. Ale hetyja napoi nie prajšli strohich kliničnych vyprabavańniaŭ i prynamsi niekatoryja ich inhredyjenty vyklikajuć sumnievy.

Pad rassłableńniem nie majecca na ŭvazie džyn-tonik. Heta novyja napoi źmiaščajuć ekstrakty raślin ci navat naturalnyja čałaviečyja harmony. Jany dapamahajuć rassłabicca biez škody dla arhanizmu, jakuju prynosić ałkahol. Niekatoryja źmiaščajuć cukar, inšyja — nizkakałaryjnyja padsałodžvalniki.

Amal 100 vidaŭ novych rassłablalnych napojaŭ źjaviłasia na amierykanskim rynku za apošnija try hady.

Mnohija napoi travianyja i mohuć vykarystoŭvacca ŭ harmanalnaj terapii, ale taksama mohuć mieć i pabočnyja efiekty, havorać navukoŭcy.

Naprykład, korań pjankoha piercu, jaki taksama maje nazvu kava-kava, — inhredyjent adnaho ź vidaŭ sodavaj — navukoŭcy pryznajuć pieršakłasnym srodkam u lekavańni tryvožnaści. Ale prymać jaho rekamiendujecca tolki ludziam, jakim byŭ pastaŭleny dyjahnaz «tryvožnaść», a nie tym, u kaho zvyčajny stres.

Kava-kavu varta ŭžyvać z aściarohaj, asabliva ludziam, u jakich jość ryzyka zarabić prablemy ź piečańniu, bo sprava moža dajści da piačonačnaj niedastatkovaści i nieabchodnaści pierasadki hetaha orhana, kažuć navukoŭcy.

Taksama treba pracavać nad źniščeńniem pryčynaŭ biassońnicy i stresu, a nie śpiašacca chutka, z dapamohaj tabletak, vypravić jaje nastupsty. Nie byvaje čaroŭnaj tabletki ad žyćciovych prablem. Ład žyćcia — voś nad čym treba pracavać u pieršuju čarhu.

KaM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH