Krynicaj uspyški vostraj kišačnaj infiekcyi ŭ dziciačym sadku № 29 Pinska stała kuchar.
«U chodzie epidemijałahičnaha rasśledavańnia i praviedzienych supraćepidemičnych mierapryjemstvaŭ ustanoŭlena, što krynicaj infiekcyi źjaviłasia kuchar — vostry bakteryjanośbit salmanieły. Šlach pieradačy infiekcyi — charčovy», paviedamlajecca na sajcie Ministerstva achovy zdaroŭja Biełarusi.
Pavodle infarmacyi Ministerstva achovy zdaroŭja,
u 59 chvorych łabaratorna paćvierdžany dyjahnaz «salmanieloz».
Uspyška vostrych kišačnych infiekcyj u dziciačym sadku №29 Pinska adbyłasia z 20 pa 23 sakavika. Usiaho zarehistravany 103 vypadki (99 u dziaciej i čatyry ŭ darosłych) zachvorvańnia lohkaj i siaredniaj stupieni ciažkaści.
Jak paviedamiŭ hałoŭny doktar Pinskaj centralnaj palikliniki Siarhiej Koniuch, usiaho byli špitalizavany 94 čałavieki. Na ranicu 30 sakavika ŭ stacyjanarnych lačebnych ustanovach zastavałasia 18 čałaviek. Płanujecca, što jany buduć vypisany ŭ najbližejšyja dni.
21 sakavika prakuraturaj Pinska raspačata sprava pa č. 1 art. 336 Kryminalnaha kodeksa (parušeńnie sanitarna‑epidemijałahičnych praviłaŭ).
