U vyniku pažaru na Mazyrskim naftapierapracoŭčym zavodzie paciarpieli dvoje rabočych, adzin ź jakich u ciažkim stanie dastaŭleny ŭ reanimacyju.
Jak paviedamiŭ pres‑sakratar Homielskaha abłasnoha ŭpraŭleńnia MNS Rusłan Habryloŭ, pažarnaja sihnalizacyja na pradpryjemstvie spracavała ŭ 13.53 30 sakavika. Na miesca NZ vyjechała bolš za 20 adzinak techniki.
Pavodle słoŭ Habrylova, adbyłasia razhiermietyzacyja šaravaj armatury na vychadzie ź filtra siekcyi hudronu kambinavanaj ustanoŭki pierapracoŭki mazutu. Pry praviadzieńni ramontnych rabot dva rabotniki adkryli ŭstanoŭku, adkul vyliŭsia haračy hudron, adnaho z rabočych abpaliła haračym hudronam, druhi staŭ ratavać kalehu i taksama atrymaŭ apioki. Adbyłosia zaharańnie hudronu. Pakolki pažar adbyŭsia na vybuchovaniebiaśpiečnym abjekcie, vyklikali techniku pa piatym vykliku składanaści. U 14.14 adbyłosia ŭzharańnie naftapraduktaŭ.
Pažar likvidavany, viaducca adnaŭlenčyja raboty. Ludziej nie evakujavali.
