Biełaruś atrymała apošni, piaty tranš kredytu MVF u pamiery kala $670 młn. u ramkach prahramy «stend‑baj». Pra heta paviedamili va ŭpraŭleńni infarmacyi Nacyjanalnaha banka Biełarusi.
Ilustracyja www.ecu.edu
Nahadajem, 26 sakavika Rada vykanaŭčych dyrektaraŭ MVF zaćvierdziŭ spravazdaču piersanału fondu pa čaćviortamu ahladu realizacyi prahramy «stend‑baj», zaklučanaj pamiž Biełaruśsiu i MVF u studzieni 2009 hoda, i pryniaŭ rašeńnie ab vydzialeńni apošniaha, piataha tranšu kredytu ŭ pamiery kala $670 młn.
Raźličanaja na 15 miesiacaŭ damoŭlenaść u pamiery 1,62 młrd. SDR (kala $2,46 młrd.) zaćvierdžana Vykanaŭčym savietam MVF 12 studzienia 2009 hoda,
a 29 červienia taho ž hoda abjom finansavaj padtrymki z boku MVF byŭ pavialičany da 2,27 młrd. SDR (kala $3,52 młrd.).
Pieršy tranš kredytu MVF u pamiery $800 młn. Biełaruś atrymała ŭ studzieni 2009 hoda. Druhi tranš pastupiŭ u lipieni — kala $680 młn. U kastryčniku minułaha hoda Biełaruś atrymała čarhovy tranš kredytu fondu ŭ abjomie $699,5 młn. Čaćviorty tranš kredytu ŭ pamiery bolš za $688 młn. pastupiŭ u śniežni.
Takim čynam, ahulny abjom pradastaŭlenych MVF Biełarusi finansavych resursaŭ u ramkach prahramy skłaŭ bolš za $3,5 młrd.
«Aceńvajučy papiarednija vyniki realizacyi prahramy «stend‑baj», nieabchodna adznačyć, što jana adyhrała adnu z klučavych rolaŭ u stabilizacyi ekanomiki Biełarusi ŭ 2009 — pačatku 2010 hoda, dała mahčymaść padtrymać stabilnaść na valutnym rynku, zabiaśpiečyć bolšuju ŭstojlivaść finansavaj sistemy, padtrymać upeŭnienaść inviestaraŭ i chatnich haspadarak», — padkreślili ŭ Nacbanku Biełarusi.
Užo ŭ mai hetaha hoda čakajecca čarhovaja misija ekśpiertaŭ fondu,
u čas jakoj buduć padviedzieny kančatkovyja vyniki vykanańnia prahramy «stend‑baj», a taksama abmierkavany kankretnyja pytańni dalejšaha supracoŭnictva Biełarusi z MVF.