Lider čačenskich partyzanaŭ Doku Umaraŭ zajaviŭ, što ataka ŭ maskoŭskim mietro 29 sakavika była arhanizavana na jahony asabisty zahad.
Pra heta paviedamlaje sajt isłamistaŭ Kavkazcentr.com.
Na videa, zroblenym 29 sakavika, Umaraŭ zajaviŭ, što hetaja ataka -- «adkaz udaram i akcyjaj pomsty za raźniu, jakuju ŭčynili rasiejskija akupanty, samych biednych žycharoŭ Čačenii i Inhušecii, jakija źbirali čaramšu pad Arštami 11 lutaha».
Umar padkreśliŭ, što napady na terytoryi Rasii buduć praciahvacca.
Raniej hruzinski rasijskamoŭny telekanał «Pieršy Kaŭkazski» raspaŭsiudziŭ aŭdyjozvarot ad imia Umarava, u jakim havaryłasia: «Čačency na heta nie zdolnyja. Usio pradstaŭlena tak, byccam nichto z rasijskich śpiecsłužb nie vinavaty, a nasamreč jany datyčnyja. U vybuchach u Maskvie vinavataja FSB» – havoryŭ mužčynski hołas na zapisie.Ci sapraŭdnyja videa i aŭdyjozapis i ci naležać jany Umaravu, dakładna nieviadoma.
Mierkavańnie ab datyčnaści rasijskich śpiecsłužbaŭ da teraktaŭ na stancyjach Łubianka i Park kultury vykazaŭ śpikier parłamienta Čačni Dukuvacha Abdurachman.
«Kali vysokija asoby siońnia nazyvajuć Paŭnočnakaŭkazski rehijon «vinavatym» ŭ svaich spravazdačach kiraŭnictvu, my pavinny zajavić, što ličym vinavatymi ŭ tym, što adbyłosia, maskoŭskija śpiecsłužby, pravaachoŭnyja orhany abo siły biaśpieki Maskvy» -- zajaviŭ jon.Śpikier čačenskaha parłamienta taksama adznačyŭ, što kali terarystam udałosia pranieści vybuchovyja pryłady ŭ mietro, to heta śviedčyć ab «absalutnaj chałatnaści adpaviednych słužbaŭ», a taksama «sadziejničańni rabotnikaŭ pravaachoŭnych orhanaŭ» złačyncam, vinavatym u zdareńni.
U paniadziełak, 29 sakavika, ŭ 7:56 maskoŭskaha času ŭ druhim vahonie ciahnika na stancyi mietro «Łubianka» adbyŭsia vybuch. Praz paŭhadziny bomba ŭzarvałasia ŭ ciahniku na stancyi mietro «Park kultury». Abodva vybuchi prahrymieli, kali ciahniki znachodzilisia la płatformy. Pa apošnich dadzienych, achviarami teraktaŭ stali 39 čałaviek. Ranieńni atrymali bolš za 80 asobaŭ.
Pa dadzienych FSB, vybuchi ŭ maskoŭskim mietrapalitenie ažyćciavili dźvie terarystki-śmiarotnicy. Pry hetym kiraŭnictva Słužby biaśpieki zajaviła, što da teraktaŭ u maskoŭskim mietro datyčnaja hrupoŭka z Paŭnočnaha Kaŭkaza.
