Jašče adna avaryja na tym ža ŭčastku MKAD. Fota forum.onliner.by.
Pa słovach vidavočcaŭ, avaryja zdaryłasia ŭ časie spynieńnia ruchu na ŭčastku darohi dla propuska kałony vajskovaj techniki.
30 sakavika pryblizna a 14-j hadzinie na MKAD u rajonie Ściapianki ciahač «Volva» źbiŭ dva lehkaviki — «Opiel» i «Piežo». Ad mocnaha ŭdaru zadniaja častka «Opiela» źmiałasia amal da miesca kiroŭcy. Na ščaście ŭ mašynie nie było pasažyraŭ. Kiroŭca paškodziŭ tvar. Pavodle vidavočcaŭ, na hetym učastku MKAD na toj momant byŭ spynieny ruch dla propuska kałony vajskovaj techniki. «Mužyki, ja tam byŭ na čatyry mašyny napieradzie.
Praz 5 — 10 siekund paśla spynieńnia pačuŭ visk tarmazoŭ i ŭdar, jak byccam ź dzieviacipaviarchovika skinuli śmiećcievy kantejnier.MKAD była pierakrytaja ŭ tym miescy, dzie vyjezd na jaje z-pad mosta naleva i navierch (r-n bazy MNS i haražnaha kaapieratyva). Hajovy, jaki na fota — pierakryvaŭ darohu pad mostam, pačuŭ ŭdar i padniaŭsia pa adchonie na MKAD. (…) U vadziły Opiela raśsiečany łob. Sam jon ad udaru apynuŭsia na piarednim pasažyrskim siadzieńni i raśsiek łob ab pravuju stojku (byŭ nie pryšpileny). Potym my jaho dastali adtul, adahnuŭšy piarednija dźviery», — piša adzin z naviedvalnikaŭ foruma onliner.by. Mnohija ŭdzielniki abmierkavańnia hetaha zdareńnia vykazvajuć pretenzii da dziejańniaŭ supracoŭnikaŭ DAI pa arhanizacyi ruchu na MKAD u časie prachodžańnia ŭ hetym rajonie kałony vajskovaj techniki.
Praź niejki čas na tym ža ŭčastku trasy, pryblizna ŭ 500 m ad miesca sutyknieńnia hruzavika ź lehkavikami, adbyłasia jašče adno DTZ z udziełam mikraaŭtobusa «Miersiedes» i lehkavika. Mikraŭtobus pieraviarnuŭsia.
Aficyjnaj infarmacyi nakont zdareńniaŭ na MKAD pakul niama. U pres-relizie DAI za 31 sakavika padrabiaznaściaŭ niama.
