Andrej Hieraščanka
Karespandent «Našaj Nivy» paprasiŭ pasła Rasii Alaksandra Surykava prakamientavać situacyi, što skłałasia vakoł viciebskaha čynoŭnika i staršyni supołki «Russkij dom» Andreja Hieraščanki. Ci nie ličyć sp.Surykaŭ dadzienuju historyju dyskryminacyjaj rasijskaj mienšaści ŭ Biełarusi?
«Nie liču. My rasčaravanyja tymi ideałahičnymi vyvadami, što byli zroblenyja. My pastavilisia da hetaha da hetaha ź nierazumieńniem. Vykazvańni całkam mancirujucca ŭ vykazvańni Łukašenki. U čym mohuć być kryŭdy?Ničoha antybiełaruskaha, ci antyrasijskaha hety čynoŭnik municypalnaha ŭzroŭniu nie skazaŭ. Treba narmalna razumna acanić, što jon nahavaryŭ», — skazaŭ Surykaŭ.
Pasoł ličyć, što dziaržaŭnyja ideołahi darma tak učapilisia ŭ hetuju historyju. «Heta zališnija kłopaty ideołahaŭ vakoł drobiaziej. Sprava ideołahaŭ dastupna tłumačyć dziaržaŭnuju palityku nasielnictvu», — zaznačyŭ dypłamat.
Načalnika adździeła pa spravach moładzi ŭ Viciebsku, a taksama staršyni hramadskaha abjadnańnia «Russkij dom»
Andreja Hieraščanki ŭ adnym ź intervju skazaŭ, što Biełaruś jamu bačycca jak jašče adna rasijskaja dziaržava, a biełaruskaja mova štučna stvorana.
Paśla toj publikacyi kiraŭnictva paraiła čynoŭniku napisać zajavu ab zvalnieńni. Uzhadaŭ pra viciebski vypadak jak niedapuščalny i kiraŭnik Administracyi prezidenta Uładzimir Makiej na apošniaj naradzie dla ideałahičnych rabotnikaŭ.
