Biełaruskim najmalnikam dadziena prava zaklučać z rabotnikam pracoŭny dahavor na niavyznačany termin. Heta praduhledžvaje ŭkaz prezidenta №164 ad 31 sakavika «Ab uniasieńni źmianieńniaŭ i dapaŭnieńniaŭ va ŭkaz prezidenta Respubliki Biełaruś ad 12 krasavika 2000 h. №180».

Dakumient vydadzieny «ŭ metach udaskanaleńnia kantraktnaj formy najmu i skiravany na ŭzmacnieńnie abarony pracoŭnych pravoŭ dobrasumlennych rabotnikaŭ», paviedamlaje pres-słužba biełaruskaha kiraŭnika.

Najmalniku dadziena prava zaklučać z rabotnikam, jaki nie dapuskaje parušeńniaŭ pracoŭnaj i vykanalnickaj dyscypliny i prapracavaŭ u jaho nie mienš jak piać hadoŭ, paśla zakančeńnia terminu dziejańnia kantrakta pracoŭny dahavor na niavyznačany termin ź piśmovaj zhody rabotnika. Hetaje praviła nie budzie prymianiacca da rabotnikaŭ, ź jakimi zakanadaŭstvam praduhledžana abaviazkovaje zaklučeńnie kantraktaŭ, naprykład, da dziaržaŭnych słužačych.

U vypadku admaŭleńnia rabotnika ad zaklučeńnia pracoŭnaha dahavora na niavyznačany termin pa piśmovym pahadnieńni bakoŭ kantrakt z rabotnikam moža praciahvacca abo zaklučacca novy kantrakt u adpaviednaści z ukazam №180.

Ustanoŭleny miesiačny termin dla papiaredžańnia najmalnikam rabotnika, u jakoha zakančvajecca termin kantrakta, ab rašeńni spynić ź im pracoŭnyja adnosiny abo praciahnuć ich na ŭmovach kantrakta abo pracoŭnaha dahavora na niavyznačany termin.

Ukaz ustupaje ŭ siłu praz 10 dzion paśla aficyjnaha apublikavańnia.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?