Kurs dalara ZŠA pa vynikach biržavych tarhoŭ, jakija adbylisia 2 krasavika, źniziŭsia z 2.978 da 2.970 rubloŭ, što źjaŭlajecca minimalnym značeńniem z 22 sakavika.
Pavodle źviestak Biełaruskaj valutna‑fondavaj biržy, u tarhach dalaram brali ŭdzieł 26 bankaŭ. Abjom ździełak skłaŭ 13 młn. 165 tys. (popyt — 13 młn. 162 tys., prapanova — 16 młn. 471 tys.)
U tarhach rasijskim rublom brali ŭdzieł 27 bankaŭ. Abjom tarhoŭ skłaŭ 358 młn. 183 tys. rasijskich rubloŭ (popyt — 394 młn. 461 tys., prapanova — 358 młn. 183 tys.), a kurs uzros na 0,48 rubla da 101,64 rubla. Heta novy histaryčny maksimum. Raniejšy fiksavaŭsia 22 i 26 sakavika (101,44).
Tarhi jeŭra nie pravodzilisia ŭ suviazi sa śviatkavańniem Vialikaj piatnicy ŭ Jeŭropie.
U dačynieńni da valutnaha košyka (dalar ZŠA, jeŭra, rasijski rubiel) biełaruski rubiel źniziŭsia na 0,09% u paraŭnańni z papiarednim značeńniem: košt košyka na 3—5 krasavika składaje 1.067,18 rubla suprać 1.066,20 rubla na 2 krasavika.
Z pačatku hoda kurs košyka ŭzros na 2,98%. Pry hetym dalar ZŠA padaražeŭ na 3,74%, rasijski rubiel — na 7,37%, jeŭra patańnieŭ na 1,95%.
Na 2010 hod kalidor vahańniaŭ kursu biełaruskaha rubla ŭ dačynieńni da košyka valut ustanoŭleny ŭ miežach plus/minus 10%.
