U jakaści novaha hałoŭnaha treniera kiraŭnictva chakiejnaha kłuba «Dynama» (Minsk) vybrała češskaha śpiecyjalista Mareka Sikoru.
«U chodzie konkursu na pasadu hałoŭnaha treniera minskaha »Dynama» było razhledžana zvyš za 10 kandydatur, u tym liku i zamiežnych, — havorycca ŭ paviedamleńni, raźmieščanym 2 krasavika na sajcie «Dynama». — Novym hałoŭkomam «zubroŭ» stanie 61‑hadovy češski śpiecyjalist pan Marek Sikora, dobra viadomy na postsavieckaj prastory pa pracy z mahnitahorskim «Mietałurham» i jekaciarynburhskim «Aŭtamabilistam».
Kantrakt ź Sikoram budzie padpisany paśla 30 krasavika, paviedamiŭ BiełaPAN pres‑ataše »Dynama» Mikita Bieražkoŭ. Da hetaha času dziejničaje zabarona na padpisańnie novych pracoŭnych pahadnieńniaŭ u KCHŁ.
***
Marek Sikora naradziŭsia ŭ 1948 hodzie ŭ Čechasłavakii. Forvard. Vystupaŭ za «Dukłu» (Ihłava) (1968—1970), «Škodu» (Plzień) (1971—1980). Čempijon Čechasłavakii (1969, 1970). Čempijon Jeŭropy siarod junakoŭ (U‑19) (1968). Pracavaŭ hałoŭnym trenieram »Škody» (Plzień) (1990—1992, 1994—2000), «Tesły» (Pardubice) (1992—1993), «Enierhii» (Karłavy Vary) (2000—2003), «Mietałurha» (Mahnitahorsk) (2004—2005), maładziožnaj (U‑20) i junackaj (U‑18) zbornych Čechii (2005—2009), «Aŭtamabilista» (Jekaciarynburh) (2009—2010). Pad jaho kiraŭnictvam mahnitahorski «Mietałurh» staŭ siarebranym pryzioram čempijanatu Rasii (2004).
