Hramadskaje abjadnańnie »Centr «Treci Siektar» (Hrodna) i Hramadskaje abjadnańnie «Biełaruskaja asacyjacyja žurnalistaŭ» (Minsk) abviaščajuć konkurs dla maładych žurnalistaŭ «Tvoj Styl».Da ŭdziełu ŭ konkursie zaprašajucca aŭtary-pačatkoŭcy albo maładyja žurnalisty (va ŭzroście da 35 hod) z usich rehijonaŭ Biełarusi.
Pieramožcy buduć vyznačanyja pa nastupnych žanravych naminacyjach:
«Tvoj styl» — najlepšaje intervju ź cikavaj asobaj;
«Majo Pakaleńnie» — najlepšy repartaž albo artykuł, pryśviečany žyćciu moładzi;
«Śviet vačyma maładych» — najlepšaje fota.
Pieramožcy ŭ kožnaj z hetych naminacyj atrymajuć uznaharody ad arhanizataraŭ konkursu.
Śpiecyjalnymi ŭznaharodami buduć adznačanyja taksama pieramožcy ŭ nastupnych naminacyjach:
lepšy materyjał, pryśviečanych aśviatleńniu ekałahičnaj tematyki;
lepšy materyjał, pryśviečany historyka-krajaznaŭčaj tematycy.
Da razhladu ŭ miežach konkursu prymajucca jak užo nadrukavanyja ŭ ŚMI ci infarmacyjnych internet-resursach (ciaham 2010 hoda), tak i tolki padrychtavanyja da druku materyjały.
Kožny ŭdzielnik konkursu moža zajavić na razhlad žury maksimum 3 materyjały. Heta mohuć być jak materyjały ŭ miežach adnoj naminacyi, tak i ŭ miežach roznych naminacyj.
Zajaŭki na ŭdzieł u konkursie pavodle prykładzienaj nižej formy treba dasłać da 12 traŭnia pa adrasie: h. Hrodna, vuł. Budzionnaha 48a/11, 230023 albo na e-mail: [email protected] z paznakaj «Konkurs».
Pieramožcy buduć abranyja žury, u skład jakoha ŭvojduć aŭtarytetnyja biełaruskija žurnalisty.
Pra vyniki konkursu stanie viadoma da 17 traŭnia.
Uračystaja cyrymonija ŭznaharodžańnia adbudziecca 22 traŭnia ŭ Hrodnie ŭ miežach Druhoha Fiestyvala Maładziovaj Žurnalistyki «Tvoj Styl».
Pośpiechaŭ!
Ankieta-zajaŭka na ŭdzieł u konkursie dla maładych žurnalistaŭ «Tvoj styl»
Imia i proźvišča ŭdzielnika konkursa:
Kantaktnyja dadzienyja (telefon, e-mail):
Uzrost udzielnika:
Karotkaje apisańnie žurnalisckaha dośviedu (kali jość):
Nazvy zajaŭlenych na konkurs materyjałaŭ z paznačeńniem naminacyi, na jakuju padajucca materyjały:
ŚMI albo internet-resursy, na jakich byli źmieščanyja dasłanyja na konkurs materyjały (dla apublikavanych materyjałaŭ). Kali łaska, padajcie spasyłki na hetyja materyjały, kali heta mahčyma:
Karotkaje apisańnie dasłanych materyjałaŭ (tyčycca tolki konkursa fotamateryjałaŭ): data, abstaviny padrychtoŭki i h.p.
