Niamiecki, francuzski i japonski aŭtamabilnyja vytvorcy Daimler, Renault i Nissan padpisali pahadnieńnie ab supracoŭnictvie.
Renault i Nissan užo majuć davoli tryvałuju historyju supolnaj pracy. Ciapier da aljansa dałučyŭsia i «Daimler».
Zhodna z pahadnieńniem internacyjanalnaja kamanda abmianiajecca simvaličnymi dolami akcyj, zajmiecca raspracoŭkaj bienzinavych i dyzielnych ruchavikoŭ i budzie supracoŭničać u vytvorčaści kamiercyjnych aŭtamabilaŭ.
Hałoŭnyja plusy aljansu — źnižeńnie vydatkaŭ na raspracoŭku i vypusk mašyn za košt vykarystania supolnych technałohij i kampanientaŭ.
Renault razam z Mercedes‑Benz, jaki naležyć Daimler, zaraz raspracoŭvaje nastupnaje pakaleńnie malečy Smart ForTwo i ułasnaha Twingo. Abodva jany buduć mieć elektryčny pryvad na zadnija koły i vyjduć prykładna ŭ 2013 hodzie.
Na froncie ruchavikoŭ «Reno» i «Nisan» padzielacca ź niemcami ahrehatami na 3 i 4 cylindry, jakimi Daimler źbirajecca uzbrojvać svaje kampaktnyja premium aŭtamabilčyki. U advarotnym kirunku ad «Dajmlera» da nissanaŭskaha brenda Infiniti pajeduć bolš mahutnyja ruchaviki na 4 i 6 cylindraŭ.
I narešcie, try kampanii buduć ščylna pracavać nad lohkimi furhonami. Naprykład, Mercedes‑Benz maje vypuścić u 2012 hodzie kampaktny mikraaŭtobus na bazie architektury Renault.
Kiravać novym sajuzam buduć staršynia Daimler Dytar Cetše i kiraŭnik franka‑iaponskaha aljansu Karłas Hon.