Kali rychtavaŭsia artykuł pra Dzianisa Bielaka, byłoha kursanta Akademii MUS, adličanaha z vučoby za incydent u rodnym Navahradku, aŭtar NN źviarnuŭsia ŭ akademiju pa kamientary. Adkaz z pres-słužby Akademii MUS pryjšoŭ užo paśla publikacyi artykuła «Nam u milicyi takija nie patrebnyja, jakija iduć suprać svaich».

Voś što ŭ im havorycca: «Paviedamlajem Vam, što zahadam Akademii MUS ad 07.10.2009 №157ł/s, na padstavie zaklučeńnia Akademii MUS ad 06.10.2009, kursant śledča-ekśpiertnaha fakulteta Akademii MUS Respubliki Biełaruś šarahoviec milicyi Bialak Dzianis Mikałajevič za hrubaje parušeńnie słužbovaj dyscypliny, jakoje vyjaviłasia ŭ samavolnym vyjeździe za miežy Minskaha harnizona i ździajśnieńni administracyjnaha pravaparušeńnia, praduhledžanaha art. 17.1 (drobnaje chulihanstva) Kodeksa ab administracyjnych pravaparušeńniach Respubliki Biełaruś, adličany z Akademii MUS i, u adpaviednaści z Pałažeńniem ab prachodžańni słužby ŭ orhanach unutranych spraŭ Respubliki Biełaruś, zvolnieny ŭ zapas Uzbrojenych Sił pa p. 154.15 (u suviazi sa ździajśnieńniem pravinnaściaŭ, što dyskredytujuć zvańnie supracoŭnika orhanaŭ unutranych spraŭ)».

Sam Dzianis kaža, što mieŭ padpisany načalnikam dazvoł na sutačnaje zvalnieńnie. Pry hetym jon pryznaje, što pra adjezd u Navahradak (pa-za miežy harnizonu) jon nikoha nie papiaredziŭ. Chłopiec ćvierdzić, što ŭ akademii jość praviła: pa pieršym vykliku sa zvalnieńnia nieabchodna źjavicca ŭ akademiju nie paźniej, čym praz try hadziny. «Z Navahradka ŭ Minsk ja ŭ lubym vypadku patrapiŭ by za try hadziny, tamu nikoha i nie papiaredžvaŭ», — tłumačyć D. Bialak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?