Biełaruś apłaciła tranzit polskich hramadzianaŭ da miesca avijakatastrofy 4

Biełaruś uziała na siabie ŭsie vydatki, źviazanyja z pryjomam, adpraŭkaj i supravadžeńniem polskich hramadzian, jakija prybyvajuć u krainu dla nastupnaha śledavańnia da miesca avijakatastrofy ŭ Smalenskuju vobłaść, paviedamlaje pres-słužba Alaksandra Łukašenki.

U subotu ŭviečary aeraport Viciebska pryniaŭ dva samaloty z Polščy. «U Viciebsk prybyŭ brat trahična zahinuŭšaha prezidenta Polščy Jarasłaŭ Kačynski sa svajakami zahinuŭšych. Praz hadzinu pryziamliŭsia samalot z prem'jer-ministram Polščy Donaldam Tuskam i členami polskaha ŭrada», — udakładnili ŭ pres-słužbie.

Biełaruski bok zabiaśpiečyŭ pryjom samalotaŭ, a taksama vyłučyŭ nieabchodny transpart dla ich prajezdu da miesca krušeńnia samalota ŭ Smalenskuju vobłaść. Było taksama arhanizavana supravadžeńnie mašynami DAI i chutkaj dapamohi.

Pavodle RIA «Novosti»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH