11.04.2010
/ 22:59 / Ałharytmičny łacinski varyjant
Pomnik biełaruskim lotčykam ŭračysta adkryty ŭ polskim Radamie
Pa inicyjatyvie miascovych žycharoŭ polskaha horada Radam 11 krasavika byŭ uračysta adkryty pomnik zahinuŭšym biełaruskim lotčykam.
HLADZI ŬVIEŚ FOTAREPARTAŽ Z RADAMA
Pomnik biełaruskim lotčykam Alaksandru Marfickamu i Alaksandru Žuraŭleviču, što trahična zahinuli na mižnarodnym avijašou ŭračysta adkryty ŭ miascovaści Małenčyn kala horada Radam. Inicyjatarami ŭšanavańnia pamiaci aficeraŭ vystupili nastajaciel miascovaha prychodu i žychary Małenčyna, ich ideju padtrymali kamandavańnie Vajenna-pavietranych sił Polščy i miascovyja ŭłady.
U cyrymonii adkryćcia pryniała ŭdzieł delehacyja VPS i vojskaŭ SPA Uzbrojenych Sił Biełarusi, pradstaŭniki dypłamatyčnaha korpusa, členy siemjaŭ zahinuŭšych.
Pomnik ustanoŭleny praktyčna na miescy padzieńnia samalota Su-27. Hranitnaja asnova nahadvaje kontur Su-27 z dvuma kryžami — pravasłaŭnym i katalickim. Chryścijanskija simvały zroblenyja ź mietału ruchavika paciarpiełaha krušeńnie samalota. Vyšynia pomnika — bolš za 2 m, na pjedestale — nadpisy na biełaruskaj i polskaj movach.
Biełaruski vajskovy samalot Su-27UBM raźbiŭsia 30 žniŭnia 2009 hoda padčas vykanańnia fihury vyšejšaha piłatažu na avijašou ŭ Radamie. Abodva člena ekipaža — lotčyki-snajpiery Alaksandr Marficki (namieśnik kamandujučaha vojskami pa avijacyi Zachodniaha apieratyŭna-taktyčnaha kamandavańnia VPS i SPA) i Alaksandr Žuraŭlevič (namieśnik kamandzira pa lotnaj padrychtoŭcy 61-j źniščalnaj avijacyjnaj bazy Zachodniaha apieratyŭna-taktyčnaha kamandavańnia VPS i SPA) — zahinuli. Lotčyki, advodziačy samalot ad nasielenaha punkta, canoj svajho žyćcia praduchilili hibiel mnohich ludziej.
Zahinuŭšyja na avijašou ŭ Radamie biełaruskija lotčyki paśmiarotna ŭznaharodžany ordenam «Za asabistuju mužnaść».
BIEŁTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
